மேலிருப்பதன் பின்னட்டை…

அடுத்த பகுதியில் கௌபாய் அல்லாத க்ரைம், துப்பறியும், சாகசக் கதைகள்.

Hunting and Angling in the USSR என்ற விளம்பரச் சிறுநூலிலிருந்து. Intourist என்ற சோவியத் ருஷ்ய நிறுவனம் வெளியிட்டிருக்கிறது. ஓவியரின் பெயரையும் தேதியையும் காணோம். வழக்கம் போல 80, 90களில் வந்திருக்கலாம்.

________

________

________

________

1929இல் தொடங்கப்பட்ட இந்த நிறுவனம் இப்போதும் முன்னணி சுற்றுலா நிறுவனம். சோவியத் காலம் பற்றிக் கொஞ்சம் போல் தகவல்.

படம்: Viktor Trinchenko

படம்: A. Sukhov

படம்: Sergei Kravchenko

படம்: Valentin Rozantsev

படம்: Dmitry Barabash

படம்: Sergei Kravchenko

படம்: E. Desiatnik

நம்மில் பலரது குழந்தைப் பருவத்தில் Misha என்ற ஆங்கில சிறுவர் மாத இதழுக்கு மறக்க முடியாத இடம் இருக்கும். சோவியத் பதிப்பகங்கள் நமக்கு அருமையான புத்தகங்களைத் தந்துகொண்டிருந்தபோது இந்தப் பத்திரிகையும் மாஸ்கோவிலிருந்து இறக்குமதியாகிக்கொண்டிருந்தது.

மிஷாவில் படக்கதைகள், அறிவுக் கட்டுரைகள், புதிர்கள், விடுகதைகள், விளையாட்டுகள், துணுக்குகள் எல்லாம் வண்ணமயமாக இருந்தன. உலக மாயாஜால, நாட்டுப்புறக் கதைகள் ஏராளமானவற்றை மிஷா படக்கதைகளாகத் தந்தது.

ராதுகா, மீர் பதிப்பகங்கள் உருவாக்கியிருந்த கனவுலகில் காணக்கிடைத்த காட்சிகள் மிஷாவிலும் இருந்தன. மிஷாவுக்காக வரைந்தவர்கள் ராதுகா, மீர் புத்தகங்களுக்கும் வரைந்திருப்பார்கள் என்பதில் சந்தேகம் இல்லை.

சில இதழ்களில் Just You Wait! என்ற படக்கதை வந்தது. இது Tom and Jerryஇன் தழுவல் போல. ருஷ்யாவில் மிகப் பிரபலமான இந்தக் கதைத் தொடர் 80களில் அனிமேஷன் தொடராக தூர்தர்ஷனில் ஞாயிறு காலை ஒளிபரப்பப்பட்டது (அப்போதெல்லாம் குழந்தைகளுக்கான தொலைக்காட்சி நிகழ்ச்சிகளில் நல்ல வெரைட்டி இருந்தது).

சிறு வயதில் சந்தா கட்டியிருந்ததால் மாதம் தவறாமல் கிடைத்தது. சந்தா தொகையை தில்லி முகவரி ஒன்றிற்கு அனுப்ப வேண்டியிருந்தது போல் நினைவு.

மிஷா, Soviet Union பத்திரிகையின் தயாரிப்பு. Nikolai Gribachevஐ முதன்மை ஆசிரியராகவும் Valentin Rozantsev, Nikolai Shcherbakov ஆகியோரை வெவ்வேறு சமயங்களில் தலைமைக் கலைஞராகவும் கொண்டு வெளிவந்த இந்தப் பத்திரிகை 1983இல் நிறுவப்பட்டிருக்கிறது. இப்போதும் தொடர்ந்து வெளிவருகிறது. ஆனால் நிர்வாகம் மாறிவிட்டிருக்கும். பழைய மிஷா போல் இருக்குமா என்றும் தெரியவில்லை.

மிஷாவுக்கு உலகெங்கும் தீவிர ரசிகர்கள் இருப்பதை இணையத்தில் பார்க்கலாம். இந்தப் பத்திரிகையின் பழைய இதழ்கள் மிகமிக அரிதாகத்தான் கிடைக்கின்றன.

ஒரு புண்ணியவான் இங்கும் இங்கும் முழுசாக இரண்டு இதழ்களை வலையேற்றியிருக்கிறார்.

Vladimir Odoyevskyஇன் The Town in the Snuff-box and Old Father Frost என்ற புத்தகத்திற்கு Alexander Koshkin வரைந்த ஓவியங்கள். பதிப்பித்தது Raduga Publishers (ராதுகா பதிப்பகம்), மாஸ்கோ, 1990. ருஷ்ய மொழியிலிருந்து ஆங்கிலத்திற்கு மொழிபெயர்த்தவர் K.M. Cook-Horujy. அனேகமாக முதல் பதிப்பு. கொஞ்சம் அற்புத உலகில் ஆலிஸிலிருந்து கொஞ்சம் எடுத்தது போலிருக்கிறது.

இந்த இரண்டு கதைகளை எழுதிய இளவரசர் விளதீமிர் அதயெவ்ஸ்கி (1804-1869) குழந்தைகளுக்காக நிறைய எழுதியிருக்கிறார். அலெக்சாந்தர் கோஷ்கின் சோவியத் அல்லாத வேறு நாட்டுப் பதிப்பகங்களுக்கும் வரைந்திருக்கிறார்.

இந்தப் படங்கள் முதல் கதைக்கானவை. இரண்டாவது கதைக்கு வேறொரு ஓவியர் வரைந்திருக்கிறார். அவை இங்கு பின்னர் போடப்படும்.