Blackie’s New Systematic English Readers வரிசையில் இரண்டாம் புத்தகம் இந்த Second Reader. குழந்தைகளுக்கான கதைகள், கவிதைகள் அடங்கிய பாடநூல் (நான்-டீடெய்ல் வகையறா). வெளியீடு: Blackie and Son Limited, லண்டன். இணையத்தில் காணப்படும் தகவல்களின்படி 1913-1924 இடையே வெளிவந்திருக்கிறது. அலங்காரங்களின் பாணியும் அந்தக் காலகட்டத்தைச் சேர்ந்தவைதான்.

இந்தப் புத்தகத்தில் A.E. Jackson, H.R. Millar, T. Harrison, Frank Adams, A.A. Dixon உட்படப் பல பெரியோர் செதுக்கோவியங்களும் கோட்டோவியங்களும் வரைந்திருக்கிறார்கள்.

பிளாக்கீஸ் பாடநூல்கள் இன்னும் இரண்டு என்னிடம் இருக்கின்றன. அவையும் அழகான படங்களைக் கொண்டவை. இந்த இடுகையில் இரண்டு படங்களைப் பார்க்கலாம்.

நாட்டுப்புறக் கதைகளுக்கும் மாயாஜாலக் கதைகளுக்கும் பேர்போன Wilhelm Grimm, Jakob Grimm சகோதரர்களின் கதைகளின் தொகுப்பான Household Storiesக்கு Walter Crane வரைந்த ஓவியங்கள். ஜெர்மனிலிருந்து மொழிபெயர்ப்பு வால்டர் க்ரேனின் சகோதரி Lucy Crane. வெளியீடு: Macmillan & Co., Ltd., லண்டன், 1914.

வால்டர் க்ரேன் (1845-1915) ஏராளமான புத்தகங்களுக்குப் படம் வரைந்து புகழ்பெற்ற ஒரு பிரிட்டிஷ் ஓவிய மேதை. 1864இல் சிறுவர் நூல்களுக்குப் படம் வரையத் தொடங்கிய க்ரேனுக்குப் பல கலை இயக்கங்களில் பரிச்சயம் இருந்தது. சிறுவர் நூல்களுக்கு அவர் பல்வேறு பாணிகளைப் பின்பற்றி வரைந்தார்.

1880களில் தொடங்கி அவர் பல்வேறு கல்வியமைப்புகளில் ஆசிரியர், நிர்வாகி போன்ற பொறுப்புகளை வகித்தார். 1915இல் மரணமடைந்தார். மேலும் விவரங்களுக்கு வழக்கம் போல் விக்கிபீடியா.

இனி வரும் இடுகைகளில் இன்னும் சில மேதைகளின் படைப்புகள் ஏற்றப்படும்.

1908 வாக்கில் தொடங்கப்பட்ட இந்தப் பத்திரிகையின் ஆண்டு மலருக்கு/இதழ் தொகுப்புக்கு/சிறப்பிதழுக்கு 1916இல் வந்த விளம்பரம். மேற்கத்திய பாணி அலங்கார வடிவமைப்பு. இந்த இதழ் வந்த சமயத்தில் மேற்கத்தியர்கள் இந்த மாதிரி வடிவமைப்பை நிறுத்திவிட்டார்கள் அல்லது நிறுத்தத் தொடங்கிவிட்டார்கள் என்று நினைக்கிறேன்.

வர்ணாசிரமத்தைப் போற்றி ஒரு கட்டுரை வந்திருக்கிறது. பயங்கரமான பார்ப்பனீயப் பத்திரிகை. The Hindu, சுதேசமித்திரன், வைசியமித்திரன் ஆகிய பத்திரிகைகளின் பாராட்டுரைகளுடன் கூடியது. முழு இதழும் இங்கு கிடைக்கிறது.

நன்றி: நாள் ஒரு நூல்

ஜெர்மானிய ஓவியர், கார்ட்டுனிஸ்ட் Georg Grosz (1893-1959) 1912 வாக்கில் வரைந்த ஓவியம். ஆங்கிலத் தலைப்பு ‘Going to Work’. ஜார்ஜ் கிராஸின் பாணி இந்த ஓவியத்தில் உள்ளதிலிருந்து முற்றிலும் வேறுபட்டது, அலங்காரங்கள் இல்லாதது. இந்தப் படம் Taschen 1994இல் வெளியிட்ட Grosz என்ற புத்தகத்திலிருந்து ஸ்கேன் செய்தது. புத்தகத்தை எழுதியவர் Ivo Kranzfelder.

இவரது படைப்புகளைப் பற்றிய எனது பழைய இடுகை ஒன்று. விவரங்கள்.