“இந்தப் பொடி போடற பழக்கத்தை எப்பத்தான் விட்டுத் தொலைக்கப் போறேளோ …?”

ஆனந்த விகடன் 10-06-1956 இதழின் அட்டைப்படம் இது. வரைந்தவர் ராஜு? தாணு? மாலி? கைவசம் இருக்கும் ராஜு, தாணு சித்திரத் தொகுப்புகளில் கொஞ்சம் ஆராய்ச்சி செய்தால் கண்டுபிடிக்க வாய்ப்பிருக்கிறது. ஆனால் புத்தகங்கள் நெருக்கியடித்துக் கிடக்கும் மர பீரோவில் தேட வேண்டும். கஸ்டம். வரைந்தவர் ஸ்ரீதர்.

அந்தக் கால ‘பிராமணாள்’ நகைச்சுவைக்கே உரிய அசட்டுத்தனம் கூட இல்லாமல் தலையங்கக் கேலிச் சித்திரம் போலிருக்கிறது. இதற்கு போட்டோவே எடுத்துப் போட்டிருக்கலாம் என்றாலும் கலைக்காக ரசிக்கலாம்.

“எரிப் பறவை” என்ற இந்த பெரிய சைஸ் கெட்டி அட்டை புத்தகம் ஐந்து ருஷ்ய நாட்டுப்புறக் கதைகள் அடங்கிய தொகுப்பு. 84 பக்கங்கள். எழுதியவர் செனியா யெர்ஷோவா. படங்கள் Egor Yershov. உறவினர்களாக இருக்கலாம். படங்களை இருவருமே கூட வரைந்திருக்கலாம். வெளியீடு ராதுகா பதிப்பகம், மாஸ்கோ, 1984. முதல் பக்கம் கிழிக்கப்பட்டிருக்கிறது. எனவே தமிழுக்கு மொழிபெயர்த்தவர் யாரென்று தெரியவில்லை. இந்த விவரங்கள் The Fire-Bird என்ற ஆங்கிலப் பதிப்பு பற்றி இணையத்தில் தேடியெடுத்த தகவல்களிலிருந்து வருகின்றன. புகழ்பெற்ற ‘அழகி வசிலிசா’வும் இதில் இருக்கிறது.

மாதிரிக்கு ஒரு பக்கம்…

அலங்காரத்துடன்…

இனி படங்கள் மட்டும்.

William Hardy எழுதிய A Guide to Art Nouveau Style என்ற புத்தகத்தின் ருஷ்ய மொழிபெயர்ப்பிலிருந்து எடுத்த படங்கள். முதல் பதிப்பு (ஆங்கிலம்) Quintet Publishing Limited, 1986. இந்த ருஷ்யப் பதிப்பு 1999இல் வந்தது போல் தெரிகிறது.

1890-1905 காலகட்டத்தில் உலகைக் கலக்கிய கலை இயக்கம்/பாணி ‘ஆர் நூவோ’ (பிரெஞ்சில் ‘புதுக் கலை’). Mucha என்று கையொப்பமிட்ட படங்களைப் பாருங்கள். இவற்றை உருவாக்கிய Alfons Mucha என்ற ஷெக் கலைஞர்தான் இந்த இயக்கத்தின் பிறப்பிடம்.

விக்கிபீடியாவில் மேலும் விவரங்கள். மேலும் படங்கள் விக்கிமீடியாவில்.

19ஆம் நூற்றாண்டு பிரெஞ்சுக் கவிஞர் ஷார்ல் போதலேரின் (Charles Baudelaire) கவிதைத் தொகுப்பிற்கான ஆங்கில மொழிபெயர்ப்பான Flowers of Evilக்கு Jeff Hill வரைந்த ஓவியங்கள். மொழிபெயர்ப்பு Jacques Leclercq. வெளியீடு: Peter Pauper Press, நியூயார்க், 1958. ஓவியர் பற்றி விவரங்கள் கிடைக்கவில்லை.