Blackie’s New Systematic English Readers வரிசையில் இரண்டாம் புத்தகம் இந்த Second Reader. குழந்தைகளுக்கான கதைகள், கவிதைகள் அடங்கிய பாடநூல் (நான்-டீடெய்ல் வகையறா). வெளியீடு: Blackie and Son Limited, லண்டன். இணையத்தில் காணப்படும் தகவல்களின்படி 1913-1924 இடையே வெளிவந்திருக்கிறது. அலங்காரங்களின் பாணியும் அந்தக் காலகட்டத்தைச் சேர்ந்தவைதான்.

இந்தப் புத்தகத்தில் A.E. Jackson, H.R. Millar, T. Harrison, Frank Adams, A.A. Dixon உட்படப் பல பெரியோர் செதுக்கோவியங்களும் கோட்டோவியங்களும் வரைந்திருக்கிறார்கள்.

பிளாக்கீஸ் பாடநூல்கள் இன்னும் இரண்டு என்னிடம் இருக்கின்றன. அவையும் அழகான படங்களைக் கொண்டவை. இந்த இடுகையில் இரண்டு படங்களைப் பார்க்கலாம்.

On Market Street என்ற இந்த புத்தகத்திலிருந்து. மேலே இருப்பது அட்டைப்படம். Arnold Lobel எழுதிய இந்தப் புத்தகத்திற்குப் படங்களை வரைந்தவர் அவரது மனைவியும் புகழ்பெற்ற ஓவியருமான Anita Lobel. 1981இல் Harper Collins வெளியிட்டது. ஏபிசிடி சொல்லித் தரும் புத்தகம் மிகப் பிரபலமாக இருப்பதற்கான காரணங்கள் பின்வருமாறு…

‘ஆன் மார்க்கெட் ஸ்ட்ரீட்’ வெளிவந்த ஆண்டில் கால்டெகாட் பதக்க கௌரவம் உட்படப் பல விருதுகளையும் பெற்றது. அதே ஆண்டு ஆர்னால்ட் லோபலின் Fables என்ற புத்தகத்திற்கு கால்டெகாட் பதக்கம் கிடைத்தது. இது அமெரிக்காவில் சிறந்த சிறுவர் நூல்களுக்குப் படம் வரைந்த ஓவியர்களுக்குத் தரப்படும் மிக உயர்ந்த விருது.

சிறுவர் நூல்களுக்கு வரையும் ஓவியர்களில் அனிட்டா லோபலுக்கு முக்கியமான இடம் உண்டு. இவர் போலந்தில் 1934இல் பிறந்தார். இரண்டாம் உலகப் போரின் இறுதியில் நாஜிகள் அனிட்டாவையும் அவரது சகோதரரையும் சிறைபிடித்து வதை முகாமுக்கு அனுப்பினார்கள். 1945இல் ஸ்வீடிஷ் செஞ்சிலுவைச் சங்கம் அவர்களை மீட்டது.

1952இல் அவர் குடும்பத்தோடு நியூயார்க்கிற்குக் குடிபெயர்ந்தார். நாடகத்திலும் ஆர்வம் கொண்டிருந்த அனிட்டாவுக்கு ஆர்னால்டு லோபல் இயக்கிய ஒரு நாடகத்தில் நடிக்க வாய்ப்பு கிடைத்தது. 1955இல் இருவரும் மணம் செய்துகொண்டார்கள். கணவர் எழுதிய நான்கு புத்தகங்களுக்கு அவர் படங்கள் வரைந்தார்.

அனிட்டா தானும் மற்றவர்களும் எழுதிய ஐம்பதுக்கு மேற்பட்ட புத்தகங்களுக்குப் படம் வரைந்திருக்கிறார். அவற்றில் மிகப் பிரபலமானவை ‘On Market Street’, ‘Potatoes, Potatoes’, ‘A Treeful of Pigs’, ‘The Dwarf Giant’… மேலும் விரிவான பட்டியலுக்கும் வாழ்க்கை வரலாறு, நேர்காணல் துண்டுகள் ஆகியவற்றுக்கும் இங்கே செல்வீர்.

இந்தப் படங்கள் ஹார்ப்பர் காலின்ஸின் Greenwillow என்ற பதிப்பு நிறுவனம் 2006இல் வெளியிட்ட மறுபதிப்பிலிருந்து ஸ்கேன் செய்தவை. படங்களின் அச்சுத் தரம் சுமாராகத்தான் இருக்கிறது.

லூசெட் லாஃபிட் (Lucette Lafitte) எழுதிய La Ferme du Père Mathieu என்ற சிறுவர் நூலுக்கு வால்டர் கட்ஸ் (Walter Goetz) வரைந்த கோட்டோவியங்கள். இது 1964இல் கேம்பிரிட்ஜ் பல்கலைக்கழகப் பதிப்பகம் வெளியிட்ட பாடநூல். முதல் பதிப்பு 1958.

* * *

* * *

* * *

* * *

* * *

வால்டர் கட்ஸ் பெரிய கார்ட்டூனிஸ்ட். 1911இல் ஜெர்மனியில் பிறந்து 1930இல் இங்கிலாந்தில் பிரஜை ஆனார். 1995இல் இறந்தார். The Independentஇல் வந்த அவருக்கான அஞ்சலியில் மேலும் விவரங்கள் இருக்கின்றன.

1912இல் Blackie and Son Limited, லண்டன், வெளியிட்ட Blackie’s Model Readers Book Vஇலிருந்து இரண்டு படங்கள். பாடப் புத்தகம் என்றால் இப்படித்தான் இருக்க வேண்டும். ஒவ்வொரு கதை, கவிதை, கட்டுரைக்கும் அமர்க்களமான ஓவியங்கள், சித்திரங்கள். கீழ்க்கண்ட படத்தை வரைந்தவர் H.M. Brock.