Archive for the ‘அனாமத்து’ Category

வணக்கம். எப்போதோ ஸ்கேன் செய்துவைத்த விகடன் அட்டைப்படம் ஒன்று கணினி அகழ்வாராய்ச்சியில் கிடைத்தது. அரிய வாய்ப்பை நழுவ விடாமல் படத்தை இங்கு ஏற்றுகிறேன். “இந்தப் பொடி போடற பழக்கத்தை எப்பத்தான் விட்டுத் தொலைக்கப் போறேளோ …?” ஆனந்த விகடன் 10-06-1956 இதழின் அட்டைப்படம் இது. வரைந்தவர் ராஜு? தாணு? மாலி? கைவசம் இருக்கும் ராஜு, தாணு சித்திரத் தொகுப்புகளில் கொஞ்சம் ஆராய்ச்சி செய்தால் கண்டுபிடிக்க வாய்ப்பிருக்கிறது. ஆனால் புத்தகங்கள் நெருக்கியடித்துக் கிடக்கும் மர பீரோவில் தேட வேண்டும். [...]

லயன் காமிக்ஸுக்கு மரியாதை செய்வது போல் ஒரு பதிவு இது. 90கள், 2000களில் வந்த லயன், முத்து காமிக்ஸ் அட்டைகள் இவை. என்னிடம் ராணி காமிக்ஸும் 40 காசுக்கு விற்கப்பட்ட 16 பக்க மாயாஜால காமிக்ஸ் புத்தகங்களும் இருந்திருந்தால் அவையும் இங்கு இடம்பெற்றிருக்கும். மேலிருப்பதன் பின்னட்டை… அடுத்த பகுதியில் கௌபாய் அல்லாத க்ரைம், துப்பறியும், சாகசக் கதைகள்.

‘தேவதைக் கதை’ எழுத்தாளர்களுக்கு முன்னோடியான 18ஆம் நூற்றாண்டு பிரெஞ்சு எழுத்தாளர் Charles Perraultவின் தேர்ந்தெடுத்த கதைத் தொகுப்பில் உள்ள படங்கள். இது 1957இல் Geoffret Brereton மொழிபெயர்ப்பில் வந்த பெங்குவின் க்ளாசிக்ஸ் (முதல்) பதிப்பு. இந்த செதுக்கோவியங்களை உருவாக்கியவர் பெயர் புத்தகத்தில் இல்லை. குறைந்தது 200 ஆண்டுகளுக்கு முந்தையவையாக இருக்கும்.